شعر حب عراقي

قصائد الحب العراقية تعبر عن مشاعر الحب المتنوعة، من العشق والهيام إلى الحزن والألم

الحب هو عاطفة إنسانية قوية تُعبر عن المشاعر الإيجابية تجاه شخص آخر، وقد تغنى الشعراء العرب عبر العصور بمشاعر الحب، ومنهم الشعراء العراقيين الذين أبدعوا في التعبير عن مشاعرهم في قصائد غزل وحب رائعة.

يتميز الشعر العراقي عن غيره من أنواع الشعر العربي بأسلوبه السهل الممتنع، واستخدامه للمفردات والعبارات العامية، مما يجعله أكثر قربًا من نفوس الناس، ويعبر عن مشاعرهم بطريقة أكثر صدقًا وإحساسًا.

وفيما يلي بعض من قصائد الحب العراقية تعبر عن مشاعر الحب المتنوعة، من العشق والهيام إلى الحزن والألم. وتتميز هذه القصائد بجمال لغتها ورقة تعبيرها، مما يجعلها تظل خالدة في وجدان الناس.

قصيدة: موعد حب

هو:
اشلونچ يا أعز الناس عندي
هو الكلب چم أحبيبه عنده..

هي:
هزني الشوك عالموعد اتانيك..
وأعد بيدي الدقايق وحده وحده..
وحده.. اثنين.. هاي تروح..
أتاني وصار هالموعد اشبعده
نمت حسبالي أشوفك بالحلم جاي..
وكلت دمعاتي احطهن وسط خده

هو:
نمتي.. هنيالچ غفيتي..
وأنة ليلي يمر على عيوني صبح
الينيَّم وردة ويمسد عليها..
مو مثل ليلولي وينيم جرح..!
والغفه ابكلمة محنه..
مو مثل الينام وبعينه ملح..!

هي:
لا حبيبي..
أنه هذا الليل من يمرني دمعة..
وحزن.. واشواك.. وحنين
آنه عيني عليك ما بطل دمعها..
تبچي ما تسكت العين..

هو:
لا.. لا تبچين..
امسحي دمعتچ
وارجوچ لا تبچين..
يل دمعچ جمر
وخدودچ أحلى أورود..
خايف على اخدودچ من دموع العين..
لا تبچين..
وردة وتحترك ما تحمل النيران..
يذبل كل وركها وتستحي من الطين..

هي:
وأنت تكلي لا تبچين..؟
مو عمري انتهى.. وأيامي كلها أتروح..
لو راح العمر متكلي اجيبه أمنين..؟

هو:
لا تبچين..
المن بعد المن تسوه دمعه أتطيح..
هو اشباقي بينا ونحترك كل حين..
تعبنا القهر ممشى جزيرة وخوف..
صار الماضي غلطه وچنه غلطانين..!
لا تبچين لو يسوه العمر يمكن بچينا اسنين..

هي:
اشلون اتكلي لاتبچين..

هو:
لا تبچين..!

هي:
تدري أنت اليحب
ما يكدر اعله النار..
ويا نار اللي بيَّه أتفزز الميتين..
احتاج الدمع من ما اشوفك يوم..
لأن يصبح عليَّ اليوم خمس سنين..!
حبيبي لخاطري.. لا تبتعد أرجوك
ما احمل فراكك..
تدري كلش زين..

هو:
بس ارجوچ لاتبچين..
خوفي آنه عليچ من الدمع والله..
مرات الدمع يأخذ حلاة العين..
ويل كلچ ترافه ارجوچ لا تبچين..

اقرأ أيضًا: غزل في العيون - أبيات شعر قصيرة عن العيون.

قصيدة: رد لي حبيب أرجوك وارحم حوالي

رد لي حبيب أرجوك وارحم حوالي
ما شكي على مخلوق لله سوالي

يال ما دريت اشصار وقف وأقلك
حال اليتيم تهون عن حال خل

خاف الله يا لمريت ما كلمتني
ليتك حكيت اوياي لو شتمتني

قلبي عليك ينوح ما نام ليله
مسألتي أنا وياك صارت طويلة

جيتك بقايا إنسان أيدي على خدي
قلبك صخر ما لان يا لعفت ودي

ترجع ترد الروح يا كامل الزين
أنا أرد أموت اليوم وتقلي بعدين

يوم أنا اخس من يوم لو كان تدري
هذي ثلاث أشهور منته علخبري

بعد وجفى وهموم يوم أردى من يوم
وعيني على فراقك ما ذاقت النوم

لا يا وليف الروح لا تنسى ودي
مالي غرض بالناس بس انته عندي

الما ينام الليل عله على عله
العيشه عقب اهواي عيشة مذله

اشكي سهير الليل من فرقا خلي
ارفع يديني فوق لله واصلي

اسهر وأهل أدموع والدرب أدله
والمايريده اهواه عله على عله

يا خلي لا مريت سلم عليه
كل السبب ذولاك أنا اش بيديه

يا خلي لو صديت قلبي يريدك
موت وحيات الروح يا خلي بيدك

يا سمر فراقك ليش روحي جرحها
صابر ودمع العين غصبن فضحها

يا لفارقتني الروح بعدك جريحة
بعدك طريح أفراش كني ذبيحة

قصيدة: برد تموز حبك من يمر صيف

برد تموز حبك من يمر صيف
وحر تشرين يا نار اشتياقي

راقي.. ما شفت بس انته والله
ولغيرك چِذب من كال راقي

وكافر بالعشك ما عندي الأيمان
بس بعدك نعم صار اعتناقي

وإحساسي نبي من راد يهواك
كسّر كل هُبل قبل التلاقي

يا شعري وقضيتي والمكاتيب
يا سهر الليالي واحتراقي

ألك كل العمر ومقصِّر وياك
يا بيتي ومحلتي وكل زقاقي

وعليك العين تعمه لو غبت يوم
ويحالي أشلون لو طال الفراقي

لا تبعد عَلي يا سلوة الروح
وعهدي اوياك اسمعه واتفاقي

على هذا الكلب كثره اليمرّون
وعيونك فقط بس انته باقي

وصحيح انته حلو وهواي عشاك
لكن يختلف عشك العراقي

اقرأ أيضًا: أجمل أبيات شعر عن الحب.

قصيدة: شنو يسوه العمر لو زفتك تفوت

شنو يسوه العمر لو زفتك تفوت
تصير ألغيري عندي الموت أرحم

أذبح ضحكتي لو گالوا أفلان
لبس با ليسرى حلقة البيها أحلم

تتناثر أعضاي بوحشة الليل
وأتبعثر حبيبي وبيك أنلم

صارت حالتي كلمة بحلگ خرسان
يحچيها أبشارة وأيده تتلعثم

خناجر بالگلب نبتن بعد فرگاك
كل عقلك يغالي بدونك أسلم

بعدك يا حبيبي الموت كحل العين
أجه كحل عيوني وتالي صخم

أتيتم بدونك هيچ حالي يگول
ترضه يگول حالي أفلان يتم

ما أعرف حبيبي غير جملة وبس
ألي أنته غير أحروف مَعلم

يا هو بهل بشر يترس مكانك يوم
وأنت الكون يمك حيل أنعم
وأنت الكون يمك حيل أنعم

قصيدة: محتاجه كلش ألك يل الشاغل أنت الفكر

محتاجه كلش ألك يل الشاغل أنت الفكر
محتاجه ألك مو حجي وارتاح من ينذكر

هنياله من كابلك يا أحلى صورة شعر
محتاجه ألك ما تجي ما باقي شي بالعمر

زعلان؟ ليش الزعل زعلان انه اعتذر
بس ارجع لخاطري صير على نحري عطر

صير على جفني كحل
حليني بين السمر تعبني ذرف الدمع

بس ما طفالي الجمر بركان في داخلي
ويا خوفي لا ينفجر شمأخرك ما تجي

ما ظل ألك كل عذر
اهلال جرحك كمل آي كمل وأصبح بدر

صدكني حيل أتعبت حبك عسر مو يسر
اترجيت وتوسلت بيك شكثر وشكثر

ما فاد بيك الرجه وجبرتني لهل أمر
ما بعد اضلن شهد خليك مني حذر

واحجيهه لا تستحي كول أنت طبعك غدر
حبك تحية صبح ما تلفض بالعصر

روح وبعد لا ترد شي عادي صار الهجر
الما عرف معنى العشك ما بعد احطله كدر
جانت درجتك ألف بس هسه صارت صفر

اقرأ أيضًا: أجمل شعر غزل جاهلي.

قصيدة: ما معقول اعوفك وأنا لسه أهواك

ما معقول اعوفك وأنا لسه أهواك
ما هو أنصاف هذا وأنا ما قبل

خلص كل شبابي وية غيرك راح
جاوينك ولك ما جيتني منول

ولو أنا اعتقد هذا الجمال البيك
من ربك هبة وما صانعك معمل

خليلك ثقة وخلي اكلب بيك
وتركني بمزاجي كون ما تزعل

اوصفنك وصف ما يخطر على البال
بس كون بشرط كلشي احجي تتقبل

شعرك من تحلة ايتيه الخيال
والوادم غفت جن ليلهم جلجل

وخدودك أشارة وكف بيهة السير
ورموشك سنابل عوزهن منجل

حزورة الشفايف وانحجت للناس
وما واحد كدر الهسة يلكة الحل

بياضك مو طبيعي ما حواة مخلوق
تعكس بية الصورة اطلعك أجمل

أحط عيني اعلة صدرك ونضر المكفاك
حتى الدم اشوفة اشلون يتحول

قصيدة: أكو واحد ما أمله

اكو واحد ما أمله
هو قلبي ونبضه كله
اصفن بعينه واكله
حيل احبك.

اكو واحد ما اتركه
بلايه صوته الدنيا خنكه
شراح اكله من اشبكه
حيل احبك.

متفاهمين وابد لا ما نختلف
حبنا عن حب هسه يعادل ألف
إدمان حبه صارلي أنا اعترف.

ويلي هذا ما كو منه
بحضنه روحي مطمئنه
قلبي بعشقه تهنه
وبالي صافي.

كون مثل الطير احبسه
بقلبي ما واحد يلمسه
بس اليه يصير هسه
بالي صافي.

يغار مني الهوى
قلبي عليه
يذوب كله إذا المس أديه
هذا صارت بعد كل روحي بي.

هذا من روحي خطفني
صار بس هوه اليهمني
مثل ما أحبه يحبني
ما كو منه حبيبي.

غيره ما يملاها عيني
واله ترخص كل سنيني
حضنه بس إلي يدفيني
ما كو منه.

بدون صوته يومي لا ما يكتمل
إلا اسمعه غيابه لا ما ينحمل
الله لا يجيبلنه يوم وننفصل.

اقرأ أيضًا: شعر غزل فاحش.

قصيدة: ما أحبك جذب صدكَني ذايب بيك

ما أحبك جذب صدكَني ذايب بيك
وإذا أدوّر عليه بيك تلكاني

وإذا هذا الاكَوله تظن أبالغ بيه
تكدر تنسحب بس تكدر تنساني

وما أكلك جذب كَبلك ما حبيت
بس يوم العرفتك انولدت من ثاني

وهسه أني طفل ما يعرف يضم أسرار
وتلكه البلكَلب بسرعة على لساني

أحبك كلمه ما تستحقهه والله
لأن كلمة احبك ما تروي وجداني

وما تهمني حروف الكلمة من تنكَال
بس همني الفعل وشتحمل معاني

لأن انه من أحب اختلف عن الناس
وما اكَلك طبع ولا سر رباني

ولا اكَلك ملاك إني يفلان
بس تلكه الصدك من تدك بيباني

أحبك كَالوهه كَبلي هواى
وبيهه ما اهم واتركهه تعاني

عندي لهفه ألك شايلهه من سنين
وأظن كلمة أحبك ما تطفي نيراني

اقرأ أيضًا: أجمل أشعار الغزل البدوي.

أحدث أقدم