شعر شهد الشمري

أشهر قصائد الشاعرة شهد الشمري، أشعار شهد الشمري

شهد الشمري شاعرة عراقية شابة ولدت في محافظة المثنى عام 1987. بدأت مسيرتها الشعرية في سن مبكرة، وسرعان ما اكتسبت شهرة واسعة في العراق والعالم العربي.

تتميز أشعار شهد الشمري ببساطة لغتها وصدق تعبيرها عن المشاعر الإنسانية. تتناول قصائدها موضوعات متنوعة، مثل الحب والعشق والفقد والوحدة والوطن.

من أشهر قصائد شهد الشمري قصيدة "هواي أحبك"، التي تعبر عن مشاعر الحب والعشق. كما اشتهرت بقصيدة "محتاجة كلش إلك"، التي تعبر عن مشاعر الحنين والشوق للحبيب.

أثرت شهد الشمري على العديد من الشعراء الشباب في العراق والعالم العربي. وقد ساهمت في نشر الشعر الشعبي العراقي بين الأجيال الجديدة.

كما أنها تحظى بمتابعة كبيرة على وسائل التواصل الاجتماعي، حيث يتابعها أكثر من ثلاثة عشر مليون شخص على إنستغرام. وفي هذا المقال بعض من أشهر قصائد الشاعرة شهد الشمري:

شعر شهد الشمري من قصيدة محتاجه كلش ألك يل الشاغل أنت الفكر

محتاجه كلش ألك يل الشاغل أنت الفكر
محتاجه ألك مو حجي وارتاح من ينذكر

هنياله من كابلك يا أحلى صورة شعر
محتاجه ألك ما تجي ما باقي شي بالعمر

زعلان؟ ليش الزعل زعلان انه اعتذر
بس ارجع لخاطري صير على نحري عطر

صير على جفني كحل
حليني بين السمر تعبني ذرف الدمع

بس ما طفالي الجمر بركان في داخلي
ويا خوفي لا ينفجر شمأخرك ما تجي

ما ظل ألك كل عذر
اهلال جرحك كمل آي كمل وأصبح بدر

صدكني حيل أتعبت حبك عسر مو يسر
اترجيت وتوسلت بيك شكثر وشكثر

ما فاد بيك الرجه وجبرتني لهل أمر
ما بعد اضلن شهد خليك مني حذر

واحجيهه لا تستحي كول أنت طبعك غدر
حبك تحية صبح ما تلفض بالعصر

روح وبعد لا ترد شي عادي صار الهجر
الما عرف معنى العشك ما بعد احطله كدر
جانت درجتك ألف بس هسه صارت صفر

شعر شهد الشمري من قصيدة لو كبل ملتقيه بيك

لو كبل ملتقيه بيك ولو كبل شايفتك أني
جا وهبتك كل حياتي إحساسي وجفوفي وحناني

جا صرت شامه على خدك ما تعوفك لو ثواني
يعني اصيرن أولى عندك لان ما أقبل بثاني

لا تقربلي المسافة ولا تعيشني بأماني
الشمع لو ذاب يرخص كدره بخدود الصواني

ما تدك بابي السعادة على حساب إلي تعاني
فدوه تفهمني شاكلك؟ شخصك أتأخر أجاني

لا هو ذنبك ولا هو ذنبي بس ذنب وكتي وزماني
ابتعد من عندي وارحل غيري منتظرة وتتاني

وانه ما أحب الشراكة حتى لو كلمه بلساني
وأنت كافي تلوم بختك لان بختك ما حواني

عيش بأحضان التحبك حتى لو كلبك هواني
الكم أتمنى السعادة كلبي بالحب مو أناني

احنه في مسك الختام والنا ما تحلى التهاني
الكم تلوك لبعضكم يعني ما ارهملك أني

شعر شهد الشمري من قصيدة نسيتك أي نسيتك وانتهى الشوك

نسيتك أي نسيتك وانتهى الشوك
وبهاي القصيدة اتذكريتك

أمس بأجمل قصايد جنت أناغيك
ودلال أطفال بيهن دلليتك

ألف كلمه احبك كاتب عليك
وكتبت اليوم عنك بس هجيتك

فوك الرأس شلتك شفتك إنسان
ورميتك من فلا تسوه لكيتك

دفتر حسبتك منكتب بيك
جنت ما أشوف لمن صفحيتك

آثاري بورقتك كتبوا دواوين
وانه آخر ظرير إلي اشتريتك

اسود من ضميرك ثاري ماضيك
وبنمرود مذلتك كحليتك

منك ما خذت عكس المشه وياك
خذت من روحي راحته ونطيتك

جنت لمن تحس تجويني ترتاح
وانه المستعرة ناري وما جويتك

وجنت يوميه تعشك واحد اثنين
وعلى الحبوني كلهم فضليتك

ما نادم هجرتك جان مفروض
كبل كلشي الخلص تخلص قضيتك

شعر شهد الشمري من قصيدة رغم كل هذا حبك شاغل البال

رغم كل هذا حبك شاغل البال
الفلوس مو كل شي

واكولن أنت لو ما أريد غيره
اش ما أتقرب أنا تبعد المسافات

ولك والله ابمحبتك حرة حيرة
اش ما أتقرب أنا تبعد اشبيك

ولك والله ابمحبتك حرة حيرة
دكلي شلون ابدلك وارضى بالغير

كلبي شلون هم اكدر أغيره
لا تلعب يا عمري وصير حباب

ترى وأنا وداعتك كلش خطيرة

شعر شهد الشمري من قصيدة هواي احبك يا شمعتي

هواي احبك يا شمعتي يا صباح الله وفرحتي
يا نظر عيني وكحلها.. يا تراجيي وكذلتي
من تغازلني اعله نجم الحب أطير واترس الدنيا بضحكتي
والصبح لوما ضحكتك تكسر الخاطر غرفتي
عودتني بصوت دافي وين يا عمري بذلتي
بيدي اشكيلك واترك أنفاسي
بقميصك واخذ من الشبكه حصتي
وابقه اتاني واحسب الخطوة الرجعتك
ها وصل ها روحي فرحت يعني جيت
والكاه بإحساسي عروس ودخلتك على البيت زفتي
ولمسة كفوفك تخلي إحساسي طير والكه ذرعانك شجرتي
وانسه كلشي واحجي كلشي والكه شفتينك حنان الله عله شفتي
أويلي إذا زعلان شفتك باردة تبين جهنم من أقارنه بحسرتي
تدري أهواي احبك.. موت احبك.. كومه احبك
كله خل تسمع صرختي أني مجنونه غرامك
ويا مه فضحتني رحلتي اكتب اسمك وأنسه درسي
وكلشي ما احل بورقتي وسولفت للناس قصتي
وكشفت جرح الحقيقة ونزلت اعلي الخد دمعتي
انته وينك.. وك انته وينك.. جاي اخابر فدوه جاوب عفيه جاوب
الشخص الذي طلبت خارج نطاق الحياة
يعني مات.. أي مات كلشي مات بداخلي بهاي الحياة
وخلصت الرحلة الأليمة ولفي بحضان المكابر واني وي الذكريات

شعر شهد الشمري من قصيدة عانيت وما شوفن ينفع ويه المايسون

عانيت وما شوفن ينفع ويه المايسون
محسودة هواي من الغربة والأكثر تحسدوني أصحابي
حتى على الضحكة يحسدوني
ويتمنون بحرك أعصابي بكيفكم حقد
ورحموني عالضحكه التجبرني أسبابي
بيه هموم تبجي الدنيه لكن ما بيهه أتعابي
أرد أسال مني شهل غيره وغيرتكم حته من ثيابي
هالبست ها دخلت طلعت.. والكم عين تراقب بابي
أعدائي بداخلكم انتم وبوجهي تبينولي أحبابي
عاشرت المر بعشرتكم أشكال الهم راويتوني
لا تعويذه التنفع بيكم ملحي وافتر خليتوني
ضيعتو الفرحة من أيامي.. وعالصحه أنوب الحكتوني
ما ترودونه مو مغروره.. اليتعب يوصل وحمل الدنيه مطيح متوني
بس عاندت الدنيه بصبري ويا ريت عبالي تخالوني

أحدث أقدم