أجمل أشعار الغزل البدوي

شعر غزل بدوي


محتويات:
1 حقيقة الشوق – حمد البريدي
2 ودي بك وابيك واباك وابغاك – محمد بن فطيس
3 قالت ترى منت بحلو قلت رجال – مرزوق السلمي
4 بديت لي بأبيات شعرن جديدات – عوض بن خيران
5 حي العيون الناعسات الكحيله
6 ابشر بقلب ما يبي غير طرياك
7 عشق بدوي – سعد الخريجي
8 محاورة شعرية بين بدوي وحضرية
9 يا عنا القناص – سعد بن جـدلان
10 صادفني بالبراقع واعجبني
11 ودنا بالطيب – سعد بن جـدلان
12 شعر غزل بدوي قصير


حقيقة الشوق – حمد البريدي


حقيقة الشوق وخوية خيالي
نصبتها روحي وصدري بلدها

اقرب من انفاسي ورسمة ظلالي
الترفه اللي وسط قلبي وحدها

تشوف لذة عمرها من خلالي
واشوف لذة عمري بلمس يدها

يحبها قلبي مع حبها لي
ويدعي لها في كل سجدة سجدها

انيقة الذوق الرفيع المثالي
نعمة من الله من لقاها حمدها

نور القمر لو قال طلي بدالي
نوره ما يعطي نورها من بعدها

لقت لها قلب من الحب خالي
ولقيتها بين السحاب وبردها

معها وصلت لقمتي واكتمالي
مثل الاهله يوم يكمل عددها

في صوتها ما عاد لزين تالي
كلامها بشويش قد له جهدها

بعلن من الكون الفسيح انفصالي
وارحل لعالم حبها واعتمدها

ما دامها بد العذارى حلالي
خلوني اعشقها واعيش برغدها

إذا العسل في نظره الناس حالي
مع ريقها صار العسل مر وادهى

فديت حبة خالها بري حالي
فوق الشفاه يمين جات بوعدها

تقول من يقدر ينافس جمالي
وحتى الجمال يقول من ينتقدها

الله اكبر ما عرف وش جرا لي
انا امر بمرحله مفتقدها

في مخملية عينها عز تالي
ارموشها تقتل نظر من شهدها

واغلى عطر ينقال له عطر غال
أنفاسها الحلوة وريحة جسدها

جديلها ليلن سهرته لحالي
غنيت له بين البروق ورعدها

وبياضها خلطة سحر من لائلي
اتشوف مجرى الدم في عروق يدها

نظرة وجهه رهبة هواجيس بالي
ملامحن في غيرها لم اجدها

جمالها من كثر ما هو خيالي
كرهت كل انثى تجي من بعدها


ودي بك وابيك واباك وابغاك – محمد بن فطيس


ودي بك وابيك واباك وابغاك
جمعتها لرضاك واختار فيها

شف ويش منها يتبع احكاك ورضاك
اللي لك اسقي مسمعك لا ضميها

غديت (افر) احكاي واساير احكاك
وانا تشرف لكنتي واهتويها

مضمونها ودي بشوفتك واهواك
ياللي دروب اهل الردى ما تجيها

صانك ولي امرك وحبك وداراك
ولا قدر ردع الحظوظ ومجيها

نفسك مهذبها وعز الله رباك
ما يدري ان جيش الهيام يغزيها

الله قسم يبلاك بي وانت يبلاك
باللي سواتي في العرب يرتجيها

محبة (ن) ذربه من القلب تكساك
محبة صدق الهوى يكتسيها

يأمرك قلبك بالوفا لي وتنهاك
ناس (ن) على لاماك تفرك يديها

رزين عقل ومن مزايا مزاياك
نفسك تحب وعفتك تمتطيها

تطيع عقل (ن) ما بعد زل واغواك
مشاعرك تعصاه.. وانت تعصيها

ما شفت منك الا عيونك ويمناك
محبة (ن) راع الردى ما يبيها

يقبض فوادي لا تخيلت فرقاك
ياشف عين (ن) ما سواك يعنيها

ويا عزوة اخوانك ومطلب هذولاك
ناس (ن) محبة والدك تدعيها

ناس (ن) تخدم ابيك كله لعيناك
وهو يحسب انا لله عليه يهديها

يا جعلها تفدى على الارض ماطاك
والله بمن هو مثلها يبتليها

لكن لعب في يا وليفي تغّلاك
ونفسي غلاك من الصدود يحديها

تبطي علي وانا هنا واتحراك
وكبدي لواهيب الصبر تشتويها

اجمع علومك امن هناك وهناك
ووالله لو انها تنشرى لا اشتريها

وعذرك (انا لا هي) يا ويش اللي الهاك
لاهي ومر(ن) منت لاهي تليها

كانك مشكك في الوفاء والغلاء هااك
جوالي أقر القائمه كل ابيها

رقمك مع (الصادر) ولا (وارد ) اسواك
والناس في اللي ( لم يرد عليها )

واياك واياني...واياني اياك
من غيبة (ن) من دون عذر يحميها


قالت ترى منت بحلو قلت رجال – مرزوق السلمي


قالت ترى منت بحلو قلت رجال
والزين ما هو من شروط الرجولة

الزين يلقى عند لباسه الشال
والرجل زين ان كان زانت فعوله

قالت علامك تلبس شماغ وعقال
انت بدوي؟ قلت بدوي ومن حموله

ما ألبس بناطيل لها الوان واشكال
وامتر الشارع بعرضه وطوله

قالت اجل راعي معاميل ودلال
شرب القهاوي تحسبونه بطوله

كيفي يا بنت الحضر دله وفنجال
وحليب خلفه بالمراح معقوله

وحب الكرم والجود وعلوم الابطال
مغروس فينا من زمان الطفولة

قالت ترى بنت البدو حظها مال
قلت احذري حذرا تكوني جهوله

بنت البدو يا بنت مضرب للأمثال
فوق الجمال وطاعة الله خجولة

ماحطة اصباغ ولا حطت ظلال
ولا سيرة بالسوق سير مهبولة

هي مهرة تصعب على كل خيال
وانت ومثلك عسفهن بالسهولة

قالت تغزل بي وشف حبة الخال
ناظر عيوني والرموش الكسولة

قلت العفو ما يجتمع حب وهبال
ولكل ذوق فالمزايين جوله

قلتي وقلت وكلمة الصدق تنقال
الزين ما هو من شروط الرجولة


بديت لي بأبيات شعرن جديدات – عوض بن خيران


بـديـت لــي بـأبـيات شـعرن جـديدات
وفـوق الـسطور أكـتب بـيوتن جدادي

أو نـست يـا مـشكاي بالصدر ضيقات
وأن قــلـت راح الـضـيق بـالـصدر زادي

طـــرا عـلـي الـلـي عـيـونه وسـيـعات
الــلــي مـشـاركـني بـنـومـي و زادي

وما ظني أنسا اللي رموشه ظليلات
وأنــــا لــيــا مــنــه طـــرا وااااهــجـادي

قـضـيت مــع خـلـي لـيـالي جـمـيلات
أنـــا مــفـادي وأهـــو مـثـلـي مـفـادي

وأخـــذت أنـــا ويـــاه بـالـحـب سـجـات
فـي عشرتن ماهي بعشرة فسادي

لـكـن حـدتـني فــي زمـانـي غـيـارات
وعــيـا يـحـقـق لـــي زمـانـي مــرادي

حــــب ً وراه فـــراق مـــا فــيـه لـــذات
مـثـل الـبـياض الـيا غـشاه الـسوادي

وصـحـيـح مــا قــال الـمـثل والـروايـات
مـــا تـعـقـب الـنـيـران كـــود الـرمـادي

وخـلـصـت مــالـي بـالـمـحبة هـوايـات
وزرعـن زرعـت أصـرم وجـاه الحصادي

مـا هـو صـحيح الـحب كـذب وخرافات
أن كـنت مـاني يـا أهـل الـعلم غادي

الـحـب بـدعـه مــا نـزلـت فـيـه الآيـات
ولا قــريــنــا لـــــه حــديــثـن وكـــــادي

مــن بـعـد حـبً دام خـمسة سـنوات
صـــارت نـهـايـة حـبـنـا شـــي عــادي


حي العيون الناعسات الكحيله


حــي الـعـيون الـناعسات الـكحيله
الـي سـهوم الـموت داخـل هـدبها

مــن صـابـته يـسـهر ثـمـانين لـيـله
ويـمـكن تـجيه امـنيته مـن سـببها

يـا بـنت انـا روحـي مـن اول عـليلة
والـبـعـد دمــعـات الـمـولـع سـكـبها

تـعـبت مـن حـمل الـهموم الـثقيلة
حــــرام روحـــي لا تــزيـدي تـعـبـها

الــحــب الاول مــــع فـتـاتـاً اصـيـلـه
بـنـت الـوفـا والـجود غـالي نـسبها

عـشـنا ســوأ عـدت شـهوراً قـليله
والوقت الاقشر عن عيوني حجبها

والـيوم ولـعتي فـي قـلبي شعيلة
نــــاراً عــلــى نــــاراً تــزايــد لـهـبـها

وحـبـها فــي الـقـلب مـحـداً يـزيـله
يـلـقى مـنـا روحــه وغـايـت طـلبها

والـحب الاول كيف انا ارضى بديله
هـــــاذي مــقــاديـر وربــــك كـتـبـهـا

الـمـعـذرة يـامـا الـرمـوش الـطـويلة
نـحـاسـهـا يــفـنـى ويـبـقـا ذهـبـهـا


ابشر بقلب ما يبي غير طرياك


ابشر بقلب ما يبي غير طرياك
وابشر بعين ما تبي غير شوفك

وابشر بحب لو قسى الوقت يرعاك
وابشر بروح من غلاها تحوفك

ابشر وكل اللي تبي يالغلاء جاك
أمر عسى درب المنايا يعوفك

يا صاحبي يا شين وقتي بلياك
لا صار ما ينطق لساني حروفك

ان غبت عني يذبح القلب فرقاك
وان جيت يمي عانقتني طيوفك

امشي بكيفك على شان دنياك
واساير أيامك واقدر ظروفك

من كثر ما خوفي على قلب ينساك
سلمت لك قلب الغلاء في كفوفك

مديت قلبي يوم مديت يمناك
ولعبت لك عرضة ورقصت سيوفك

لأجلك ازعل باقي الناس لرضاك
وان مت تكفى يدفنوني بجوفك

لو تجرح قليبي وتكثر خطاياك
أرقد وامن أمن الله خوفك

اليا قسى وقتك وشانت نواياك
قلي واموت برغبتك ومعروفك

قد قلت لك يا صاحبي ما قدر أنساك
احلف على روحي أبد ما تعوفك


عشق بدوي – سعد الخريجي


نـويت مـرباع الـغضي سـيد الاحـباب
قــصـدي يـــزول الــجـرح زاد الـتـهـابه

جـيـت وبـقـايا نـارهـم حـول الاطـناب
بـيـت الـشـعر مـطوي وبـاقي زهـابه

اقـفـت ركـايـبهم ومـني الـهدب ذاب
مــن دمــع يـسـأل وانـذهل بـالإجابة

عـلى غـزير الـدمع ضـميت الاهـداب
صـديـت لـيـن الـدمع يـقفي سـحابه

بـعض الـوجع يمكن تداويه الاعشاب
وبـعض الـوجع يـا ويـل مـنهو سطابه

عـشق بـدوي لا حب ما هوب كذاب
يــوفــي لـــو جــرحـه تــجـدد صــوابـه

والـيـوم وصـلـت بـيـننا مـثل الاجـناب
ذاك الــغـلا يـــا ضـيـعـته يـــا سـفـابه

بــاكـر الا جـيـنا لـهـم مـثـل الاغــراب
مــن عـقـب مــا كـنا الاهـل والـقرابه

الامـــر لــلـه كــل شــي لــه اسـبـاب
والا الـهوى وش لـي عـلى هج بابه

وشلون قلبي ما يجي اليوم منصاب
عـلى الـرجن مـنقوش بـعض الكتابه

حـتى اثر مشيه مع سهول وهضاب
مــــر ٍ يـبـيـن ومـــر مـــا يــنـدرى بـــه

قـلـبي مــن الـفـرقا صـويب ٍ ومـرتاب
كـنـه غــدا نـصفين مـن هـول مـا بـه

حـزنـي عـلـيه انــه تـسبب ولا طـاب
نــظـرة طـبـيبه عـجـلت فــي ذهـابـه

ريـح الـخزامى والـنفل زيـن الاطـياب
يـشـدنـي ريــح الـسـمر فــي ثـيـابه

لا اقـبل نـسيم الليل له خيل وركاب
ولـه فـي طلوع الشمس عز ومهابه


محاورة شعرية بين بدوي وحضرية


الحضرية
قـلـنا ســلام الله يـا راعـي الـرعية
ويــن الـطـريق الـلـي تــودي لـلبلد

مـعنا غـشيم مـا عرف قيمة خوية
ضــيـعـه بــقـفـار مــــا فــيـهـا احـــد


البدوي
يـــا هـــلا ويــا مـرحـبا بـالـنرجسية
أقــلــطــي فـــالــدار دارك والـــولــد

ذيـــك خـيـمـتنا ولا انـتـي بـالـخلية
ولـــك أمـــان الله فــي يــوم الاحــد


الحضرية
مـالـنا مـجـلاس يــا رجــل الـحـمية
مـثـلـنـا لا غــــاب لــحـظـة يـفـتـقـد

غـير ذا الـهندي عـساه الـيوم حية
لا عــرف درب ولا هــو الـلي نـشد


البدوي
ان جـلـستوا مـرحـبا ضـيـوف عـليه
وان تـعـذرتـوا مــعـك طـيـر الـسـعد

مــا يـجوز الـغصب لـك وانـتي بـنيه
لا كـــن الــعـود ولازم مـــن وعـــده


الحضرية
ان عـطـاني الله عـمـر ولــي بـقـية
لازم ارجـع مـع أهـلي لـك يـوم غد

ان تــفــارقـنـا تـــذكـــرك الــمــطـيـة
وجـعـل يـخـلفنا عـلـي ديـارك رعـد


البدوي
لـيـتني هـنـدي مـعـك يـالغشمرية
وان ذا الـهـندي فــي الـمـفلا قـعد

لــيـتـنـي ويــــاك نــرعــى الــرعـيـة
او لـيت قـلبي خبل لا رحتي هجد


الحضرية
الله يــخــلــيـك مــــانـــي بــــدويـــة
مـــا نـاقـصني يــا ولــد هــم ونـكـد

دلنا على الخط دام الشمس حيه
لا دنــانـا الـلـيـل ذا الـهـنـدي رقـــد


البدوي
ذاك دربـــك مــن ورا ذيــك الـحـوية
واســتـري وجــهـك ولا تـبـديه ابــد

وان بـغـيتي تـحـطبي مـالـك لـويـة
اجـعـلي بـيـديك حـبـل مــن مـسد


يا عنا القناص – سعد بن جـدلان


يا عنـــا القنـــاص يالصيد المدسم
يا كتاب الشمس وكتــاب الطلاسم
أمسك أعصابي وإذا شفتك تبسم
كنك تكويني على الكبد بمياسم
كن بيــاضك مـن حــمارك لا تقسم
عارض في وجنتك موكب مراسـم
حبكم سيـطر على قلبي ورسّـــم
مثل ما سيطر على بغـــداد قاسم


صادفني بالبراقع واعجبني


صــادفـنـي بـالـبـراقـع واعـجـبـني
وأودعـن قـلبي على حد الممات

صابني سهم العيون اللي رمني
يـرسـل سـهـوم الـمنايا بـلحظات

مــن عـيـونه يـذبـحن لا سـلهمن
بـالهدب فـوق المحاجر شاهقات

بـالـمـخـاطـر يـقـتـلـن لا قـابـلـنـي
ما حلى البرقع على ذيك المهاة

كــــل شــمـعـات الــمـودة ولــعـن
يـوم شفته من تحت ذيك الغطاة

مـن نظرها صاح قلبي ضاع مني
يــا خــذن الـقـلب مـعهن والـحياة

فــــز قــلـبـي لـلـبـراقع ومـتـمـني
تـلـبـسه كـــل الـبـنـات الـمـترفات

لـلـقـلوب الــلـي تـصـادف يـنـهبن
يـشـغلن حــق الـقـلوب الـخاليات

لــلــكـرامـة والــشـهـامـة مــثــلـن
يـا سلام الله على باقي الصفات


ودنا بالطيب – سعد بن جـدلان


ودنا بالطيب بس الدهر جحاد طيب
كل ما تخلص مع الناس كنك تغشهـا
يدك لا مدت وفا لا تحرى وش تجيب
كان جاتك سالمه حب يدك وخشهـا
كل ما شـبـيت نار المحبة مع حبيب
قام يسحب فـي مشاهيبهـا ويرشهـا
كل ما واجهت لك في الزمن وجه غريب
مثل ما قـــال المثل دام تمشي مشها
وذمةٍ ما هيب تندان للحق المصيب
جعل قشاش الحطب لا سرح يقتشهـا


شعر غزل بدوي قصير


انا فديت الشوق لا زاد فيني
لا قلت بني ميت قال انت عايش

كأنك تزيديني عقل يا سنيني
بالله خليني مع الحب طايش


***


يا بو عيون هدبها سـود
لا تذبح النـاس بعيونـك

تذبح بنجل وبيض خـدود
عجزت أوصفك وش لونك


***


كفها الناعم مثل ريش النعام
وريقها منبع من اطراف النحل

عنقها بينه وبين الصدر عام
عينها من ربها رمش وكحل


***


ابي اكتب قصيدة حب ابي تفهم معانيها
ابيك بين هالعالم تفاخر يوم تقرأها
ابيك لحروفها تطرب ابي غيرك يغنيها
ابي لامن سالك انسان من اللي فيك قايلها
تقول الي سكن قلبي وروحه لي مهديها


***


الدفى ضمة وليفٍ ما يخون
لا همس مشتاق لك ثم ضمني

ولا تجرا، قلت في قلبي يمون
وكل منهو لامني، ما همني


***


تعبت أكتم قهر حبي وأعاند كل حسادي
ولا ودي أحد يدري حياتي وش جرى فيها

أنا في يوم حبيتك أحسه يوم ميلادي
قصائد قلتها لجلك كتبتك في قوافيها

وإذا مات الأمل فيني يظل الشوق بفؤادي
وتبقى لي حروف اسمك قصيده دوم أغنيها


***


يا أول من يدينه تسعد ايديني
جهلت الحزن كله بعد معرفتك

طفولة وجهك النير تخليني
ابو.. كل ابتساماتك اذا شفتك!


***


دموعك يا حسناء تغري بي الهوى
فعيناك مينائـي وقلبي قد رسا

لمحتك من قلبٍ رقـيقٍ فلـم أزل
أراكٍ بقلبي في صبحٍ وفي مسا


***


احجاجها خنجرٍ والعين موسعها
تبّشر اهل الفضول بموت مجاني

جتني تهزع وموتي من تهزعها
شبعان فوقيها والخصر جيعاني


***


تغريني البسمة ويذبحني الرمش
يا لله دخيلك وش آسوي معاها

قلبي يقول اوقف وعقلي يقول آمش
وعيني تقول ابي ارتوي من حلاها


***


يا من فقدت الي لها ردف ونهود
بالله ما تسكت وتأخذ مكاني

واجه مثل ما واجه ايامي السود
حتى يطول الصمت والا يعاني


***


بعض الوجيه جميله نفس وأطباع
ما يشبه إحساسها إلا جمال الطبيعة


***


ما باقيٍ من طيب الذكر ياكود
خياله اللي لا تضايقت جاني

والله لو انه على الارض موجود
ما كان جيتك يا فلان الفلاني


***


تعــال يا ضيف المحبة أقهــويــك
في جو خالي من عيون الملاقيف

دلة غلآ تروي شعـورك وتـرويـك
بهارها راقي ع الــذوق والكيــف


***


وجيهنا لصدوف الايام مدهال
ان عجزت متون الرجال انحملهم

ولو اربعه شالوا جملهم ولا شال
حنا نشيل الأربعة مع جملهم


***


لا يا بعد كلي حياتي تساويك
اقطع وريدي وإن نبض حبّ ثانٍ

ثلاث فيني كلها ترتبط فيك
أعشقك.. أحبّك.. والهوى صار عنواني

وإن كان ما تدري أنا أقول وأطريك
حبّك ملكني في ضميري ووجداني


***


سهيت لحظه وقمت ابحث بجوالي
اقرا الرسائل وامسح ما بقى منها

لقيت ذكرى رساله والرقم غالي
مكتوب فيها اذا انا مت فامسحها

فكرت فيك ولقيتك عايش وسالي
وما ظن يا صاحبي في يوم تذكرها

الموت عندي يساوي غيابك الحالي
والحين بستئذنك يا زين وامسحها

مقالات مقترحة

جميع الحقوق محفوظة لــ رف المعلومات 2017 ©